السلام عليكم ورحمة الله وبركاته موقع شهيوات سيتي يقدم لكم
كيكة طبقات باردة كتجي لذيذة بزااااف
كيكة طبقات باردة كتجي لذيذة بزااااف
في الطبقة الاولى كانديرو البيسكوي اي نوع عندك ماريا كولدن هنريس اللي بغيتي . من بعد كتديري الطبقة الثانية نصف لتر حليب مع 3 معالق سكر سنيدة و فلان بنكهة الفاني و 2 معالق كبار نشا كاتخلطي مزيان في كاسرول و تديريهم على نار متوسطة حتى يبدا يعقاد و تخويه فوق البيسكوي . تخليه يبرد و تستفي فوقو البنان دوائر معصور عليه الحامض باش مايكحالش . الطبقة الثالثة نصف لتر حليب 3معالق سنيدة فلان فاني 2معالق نشا 1 معلقة كاكاو مر نكهة القهوة او ساشي نسكافي و تخلطي مزيان نفس طريقة حتى يعقاد و تخويه فوق البنان و تفرشي طبقةجديدة من البسكويت و تستفي طبقة من الفريز مقطع و توجدي الكريمة الثالثة نصف لتر حليب 3معالق سنيدة 2 معالق نشا فلان فاني ضفت معاه نكهة الفرامبواز ممكن تعتمدي اي نكهة بغيتي او تكتفي بقشرة الحامض مبشورة و ملي يعقاد تصبيه فوق الخليط و تخليه يبرد و تزينيه بالشوكولا مبشورة . فواكه لوز مهرمش على حسب الرغبة .
ملحوظة : كانحتاجو ضروري اطار كايتحل باش يسهال علينا نزيلوه.
ليست هناك تعليقات:
إرسال تعليق