السلام عليكم ورحمة الله وبركاته موقع شهيوات سيتي يقدم لكم
مسمن الشحمة فالفران بطريقتي بالتفصيل الممل
مبروك عوااشرك كيف راكم
ان شاء الله تكونو فاحسن الاحوال
ليوم غادي نقدم ليكم المسمن بالشحمة لي اكيد كلكم كتعرفو ليه ولكن بطريقتي تيجي لذييييييذ متشبعوش منو
مقادير مسمن الشحمة فالفران
العجين
زلافة فورص
نصف زلافة دقيق قمح او فينو
م ص سنيدة
نصف م خميرة حلوة
راس م خميرة خبز
ملح
ماء
الحشوة
بصلة مقطعة رقيقة
فلفل احمر واخضر اختياري
فلفل حار
شحمة(بالنسبة ليا كندوبها ونصفيها ونخليها فبواطة فالمجمد تتجي سااهلة وتذوب كااملة متيبقاوش طريفات)
زيتون مقطع اختياري
ربيع مقطع
ملح/تحميرة/خرقوم/كمون
طريقة تحضير مسمن الشحمة
نشكلوها كويرات وندهنوهم بالزيت ونخطيوهم ببلاستيك ونخليوهم يرتاحوو
ندوزو للحشوة نعملو البصلة فمقيلة مع شوييية زيت ورشيشة ملح ونخليوها حتا تعرق وتنزل شوية عاد نزيدو فلفلة ونخليوهم يطيبو
تم نضيفو توابل خرقوم وتحميرة شوية بزاايد وزيتون وشحمة ونخليو الخليط شي 5دقائق ينساجمو و ذوب الشحمة نطفيو علا المقلة و نزيدو كامون وربيع
ونخليو حشوتنا تبرد وفنفس الوقت تكون العجينة ارتاحت
ناخدو كويرة من العجين ونورقوها مزيان بالزيت ونعمروها بشوية الحشوة ونطويوها بالطريقة العادية تاع الرغااايف
ناخدو كورة اخرى ونعملو ليها نفس الشيء نورقوها وندهنوها بشوية الحشوة ونوضعو وسط منها الرغييفة لي وجدنا قبل
ونبقاو نعملو نفس الشيء حتا نوصلو لسمك لي بغينا انا استعملت 5 رغيفاات
نخليوها يستراحو شوية بينما سخنا الفران نكرصوها شوية وندخلوها طيب علا اعلا درجةعندكفالفران حتا دوز شي 10 دقائق عاد نقصو شوية ونخليوها تملك طيبابهاا
منين طيب وتحمر نخرجوها ونقطعوها مربعات ولا حسب الرغبة
هاهيا عن قرب تتجي مورقة وهشيييييشة بحال العجين المورق تتحمق
وهادو طيبتهم فالمقلة الثقيلة حتا هوما تيجيو زوينين ولكن تنفضل تاع الفرااان
باصحة و الراحة
لمزيد من الوصفات شهيوات سيتي من هنا
ليست هناك تعليقات:
إرسال تعليق