السلام عليكم ورحمة الله وبركاته موقع شهيوات سيتي يقدم لكم
طارت لديدة بكريمة الحامض
من الاخت ام دعاء
طارت لديدة بكريمة الحامض
مقادير وطريقة تحضير
3 بيضات
معلقة كبيرة عصير الحامض
كاس سنيدة
كاس دقيق الفورص
قبيصة ملح
قشور حامضة محكوكة
نفصل بياض البيض على الاصفر
نطربوه مع نص كاس سنيدة حتى يولي بحال الثلج
نطربو اصفر البيض مع باقي المقادير
ونضيفو في الاخير الدقيق شوية بشوية
ثم نضيفو في الاخير ابيض البيض
ونحركو بمعلقة خشبية من الاسفل للاعلى
حتى ينسجم الكل
نوضعو الخليط فطاوة مغلفة بورق المطبخ وندخلوها لفرن
وهذا شكل الجنواز مين وجد
مقادير وتحضير
عصير 2 حامضات
نصف كاس سكر بودرة
ربع كاس ماء
معلقة كبيرة زبدة
معلقة صغيرة دقيق الفورص او مايزينا
اصفر بيضة
نوضعو الكل فكاسرول ونحركوه مزيان
عاد نوضعو لكاسرول فوق نار مهيلة مع التحراك حتى يعقاد الخليط
نقسمو الجنواز على 2
نسقيو النصف الاول بالسيرو
(نص كاس ماء نص كاس سنيدة عصير
نص حامضة ;نوضعوهم فوق النار حتى يغليو)
نطربو لكريم فريش ونضيفو ليها معلقة كبيرة من كريمة الحامض
ومعلقة صغيرة روح الحامض ونخلط الكل
ثم نوضعو الكريمة فوق الجنواز
نوضعو الطبقة 2 للجنواز بنفس الطريقة نسقيوها
و نغطيو الجنواز بالكامل بالكريمة وندخلوها للمجمد ربع ساعة
ثم نقطعوها لطارطات صغار
ونزينوهم من الجوانب بوريدات الكريم فريش
ونوضعو كريمة الحامض فجيب حلواني ونعمرو وسط لاطارط
نزينوهم من الفوق بالشكلاط محكوك
وهاهي طارت لديدة بكريمة الحامض واجدة
ليست هناك تعليقات:
إرسال تعليق