كيكة معلكة باللوز والكوك في غاية اللذة

 السلام عليكم ورحمة الله وبركاته موقع شهيوات سيتي يقدم لكم

 كيكة معلكة باللوز والكوك في غاية اللذة

مقادير

2بيضات
نصف كاس سنيدة
فاني
2 خمارات حمرين
كاس عنبة كوك مطحون
كاس لوز محمر ومطحون
كاس سميدة د الحلوى
معلقة كبيرة ونصف زبدة باردة
2 كيسان دانون بنان
السيرو
كاس عنبة ماعامرش سنيدة
كاس ماء
فاني
قطرات حامض
طريقة تحضير كيكة

كنطربو البيض وسنيدة والفاني حتى يبيض الخليط

وكنضيفو دانون و الزبدة ونطربو

و كنضيفو اللوز و الكوك و السميدة ونطربو
 

و كنضيفو الخميرة ونطربو
 

وكيصبح الخليط بهاد الشكل

وندهنو المول بالزبدة ونرشوه بالطحين ونطلقو فيه الخليط ميكونش الكيك غليظ وندخلوه للفرن فهاد الاثناء نصاوبو السيرو ونخليوه يغلي حتى يصير لونوا ذهبي

فاش يكمل طياب الكيك نخرجوه ونسقيوه بالسيرو ونردوه للفرن مدة 3 دقائق باش اشرب السيرو

منين نخرجوها من الفرن نزينها باللوز مهرمش والشكلاط الابيض أو حسب الرغبة
 

لمزيد من الوصفات شهيوات سيتي من هنا